مُحبت مال چاريندي،

مُحبت مال چاريندي،
وڃي ويٺي وڻن ھيٺان،
حقيقت خواب جي ڀرسان،
سُمھي پئي گيت ميڙيندي،
دلين جي خُشڪ پتن تي،
رکي ٿي پير خاموشي،
اسان جي زندگي گُذري،
خود سان پاڻ جھيڙيندي،
اُداسي اڳ ڄائي ڀيڻ آھي،
ھر جوانيءَ جي،
ڇڻن ٿا پن ڇاتين تي،
مٽي ۽ مائٽي ڪھڙي،
پراڻو عشق پوڙھو ھو،
سڀن جو ڄڻ تہ تڙ ڏاڏو،
اسان جو ڀاءُ ٻيو ڪھڙو،
اسان جي ڀائٽي ڪھڙي.
اهم معلومات ۽ تفصيل
- صنف
- nazm
- شاعر
- حسن درس
- ڪتاب
- حسن درس جو رسالو
- صفحو
- 154